Bakı,AzerVoice
Malta uzun və sağlam həyat nisbətinə görə Avropa İttifaqının (Aİ) ən yaxşı ölkəsi kimi seçilib.
Sağlam ömür uzunluğu insanın gündəlik həyatında heç bir maneə və ya məhdudiyyət olmadan neçə il yaşayacağını ölçür.
2022-ci ilin məlumatlarını araşdıran təhlilə görə, Malta həm kişilər, həm də qadınlar arasında birinci yerdədir.
Maltada qadınlar üçün 70,3 il sağlam həyat gözlənildiyi halda, bu müddət kişilər üçün 70,1 ildir.
Qadınların sağlam həyat illərinə görə Maltadan sonra ən yaxşı ölkələr Bolqarıstan (68,9), Sloveniya (68,5), İtaliya (67,8) və Yunanıstandır (67,8).
Kişilər arasında ilk beşliyi İsveç (67,5), İtaliya (67,1), Yunanıstan (66,2) və İrlandiya (65,2) tamamlayır.
Digər tərəfdən Danimarka qocalığa sağlam şəkildə girməyə ümid edən qadınlar üçün ən pis ölkədir.
Skandinaviya ölkəsinin güclü səhiyyə sisteminə malik olmasına baxmayaraq, xərçəng nisbətləri digər Aİ ölkələrinə nisbətən daha yüksəkdir.
Qeyd edək ki, qadınlar kişilərdən daha uzun yaşamağa meyllidirlər və Aİ üzrə orta hesabla qadınlar sağlam yaşa 62,8, kişilər isə 62,4 yaşa çatırlar.
