Bakı,AzerVoice
Bazar ertəsi İtaliyada futbolla əlaqəli mafioz qruplar yaratmaqda ittiham olunan 19 nəfər saxlanılıb.
Saxlanılanların əksəriyyəti Milanın, FC Internazionale və AC Milan futbol klublarının yüksək səviyyəli ultras və ya sərt azarkeşləridir.
Prokurorlar mətbuat konfransında bildiriblər ki, mümkün ittihamlar arasında cinayətlər törətmək üçün “mafiya üsullarından” istifadə, hədə-qorxu ilə tələb, hücum və digər ağır cinayətlər var.
Genişmiqyaslı araşdırmaya görə, cinayət şəbəkəsi son illərdə dünyanın ən güclü cinayət təşkilatlarından biri kimi ortaya çıxan İtaliyanın “Ndrangheta” mafiya təşkilatı ilə bağlıdır.
Prokurorlar iddia edir ki, şübhəlilər Milanın San Siro kimi də tanınan Giuseppe Meazza stadionu ətrafındakı bütün gəlirli biznes fəaliyyətlərinə, o cümlədən dayanacaq, yemək, bilet və suvenir satışına nəzarəti ələ keçirməyə çalışırlar.
Müstəntiqlər bəzi şübhəlilərin narkotik alveri ilə də məşğul ola biləcəyini bildiriblər.
İtaliyanın milli antimafiya prokuroru Giovanni Melillo, "Faktlar göstərir ki, İtaliyanın futbol stadionlarında bir müddətdir ki, cinayətkar fəaliyyətə meyllənmə riski var",- deyə İtaliyanın milli antimafiya prokuroru Giovanni Melillo bildirib.
