Bakı,
AzerVoice
Yeni araşdırmalar oturaq həyat tərzi ilə ürək xəstəlikləri arasında
güclü əlaqənin olduğunu təsdiqləyir.
ABŞ-ın Massaçusets Ümumi Xəstəxanası alimlərinin JACC jurnalında dərc etdiyi tədqiqat, gündə 10 saat və ya daha çox oturmaq kimi davranışların ürək çatışmazlığı (HF), miokard infarktı (MI) və atrial fibrilasiya (AF) riskini artırdığını ortaya qoyub.
Araşdırmada 90 min insanın sağlamlıq göstəriciləri analiz edilib və iştirakçılar 8 il ərzində izlənilib
Oturaq qalan şəxslərdə ürək xəstəlikləri və ölüm riski artıb, hətta müntəzəm idman edən insanlarda da oturaq həyat ürək çatışmazlığı riskini çoxaldıb.
Araşdırmaya əsasən, orta hesabla gündə 9,4 saat oturan iştirakçılardan 3600-də AF, 1850-dən çoxunda HF, 1600-dən çoxunda isə MI inkişaf edib. Üstəlik, 900 nəfərə yaxın insan ürək xəstəliyindən vəfat edib.
Müntəzəm fiziki fəaliyyət isə AF və MI riskini qismən azaldır, amma ürək çatışmazlığı və ürək-damar ölümü riskinə təsir etməyə bilər.
Araşdırmanın həmmüəllifi Şaan Khurshid qeyd edir ki, gələcək sağlamlıq tövsiyələri oturaq vaxtın azaldılmasının vacibliyini vurğulamalıdır.
Optimal sağlamlıq üçün gündəlik oturaq vaxtı 10 saatdan az saxlamaq tövsiyə olunur. 150 dəqiqəlik həftəlik idman isə hərəkətsizliyin bəzi mənfi təsirlərini azalda bilər, lakin yetərli deyil.
Nəticə olaraq, daha sağlam həyat üçün müntəzəm hərəkət etmək və oturaq vaxtı azaltmaq vacibdir.
