Bakı,
AzerVoice
Süni intellektin banilərindən biri, professor Geoffrey Hinton, AI
texnologiyasının yaxın 10 ildə insanlıq üçün təhlükə yarada
biləcəyini bildirib.
AzerVoice xəbər verir ki, “The
Telegraph” qəzetinə müsahibəsində Hinton, süni intellektin sürətli
inkişafından narahat olduğunu və bu texnologiyanın nəzarətdən çıxa
biləcəyini vurğulayıb.
Hinton, AI-nin insan zəkasını əvəz edəcəyini və adi insan bacarıqlarının arxa planda qalacağını deyib. O, AI texnologiyasını “sənaye inqilabı” ilə müqayisə edərək, maşınların həm güc, həm də zəkada insanları üstələyə biləcəyini bildirib.
Professor, hökumətləri süni intellektin təhlükəsiz inkişafını təmin etmək üçün sərt qaydalar tətbiq etməyə çağırıb. O, AI texnologiyasının sürətlə inkişafını izlədiyinə görə peşman olduğunu etiraf edib və bunun cəmiyyət üçün ciddi təsirləri ola biləcəyini vurğulayıb.
Hintonun fikrincə, texnologiyanın gələcəyi onun düzgün tənzimlənməsindən asılıdır. İnsanlıq, AI-nin nəzarətdən çıxmasını önləmək üçün təcili tədbirlər görməlidir.
