BAKI, AzerVoice
İsrail ordusu, Qəzza zolağında HƏMAS-ın əsas təbliğatçılarından birini zərərsizləşdirib.
AzerVoice xəbər verir ki, bu barədə ordunun mətbuat xidməti məlumat yayıb.
İsrail tərəfinin versiyasına görə, öldürülən Məhəmməd Saleh əl-Bərdavil medialardan psixoloji terror aləti kimi istifadə edərək sistemli şəkildə yalan məlumatlar yayırdı.
Qurum bildirib ki, öldürülən şəxs HƏMAS tərəfindən yayımlanan və Qəzzada əsir götürülmüş israillilərin görüntülərinin yer aldığı kinayəli təbliğat videolarının hazırlanmasında fəal iştirak edirdi.
“Qəzzada tanınmış jurnalist kimi təqdim olunsa da, əl-Bərdavil HƏMAS-ın təhrik və terror mexanizminin ayrılmaz bir hissəsi idi,” – deyə əlavə olunub.
Ordu bəyan edib ki, HƏMAS-a qarşı mübarizəni davam etdirəcək və İsrail vətəndaşlarına qarşı olan hər hansı təhlükəni aradan qaldırmaqda qərarlıdır.
Xatırladaq ki, martın 18-də İsrail ordusu Qəzza zolağında hərbi əməliyyatlara yenidən başlayıb, anklava kütləvi zərbələr endirib və yanvarda tətbiq olunmuş atəşkəs rejimini pozub. İsrailin baş naziri Benyamin Netanyahunun ofisi bu hücumları HƏMAS-ın vasitəçilərin və ABŞ prezidentinin Yaxın Şərq üzrə xüsusi nümayəndəsi Stiven Uitkoffun təkliflərini rədd etməsi ilə əsaslandırıb.
