BAKI, AzerVoice
Qəzza sakinləri Ramazan ayını müharibənin gətirdiyi dağıntılar arasında keçirirlər.
AzerVoice xəbər verir ki, Fələstinlilər Qəzza zolağında, xarabalıqlar içində qurulan uzun iftar süfrələrində bir araya gəliblər.
İsrailin hücumları nəticəsində bölgə böyük dağıntılara məruz qalsa da, qəzzalılar küçələrdə qurulan iftar süfrələrində bir-birinə dəstək olmaq üçün bir araya gəliblər.
Bu çərçivədə "Misir Əlləri" Həmrəylik və Yardım Dərnəyi Qəzza zolağının mərkəzi El-Ayun rayonunda, El-Rantisi xəstəxanasının arxasında açıq havada kütləvi iftar proqramı təşkil edib.
Vətəndaş cəmiyyəti təşkilatının əməkdaşı Şahada Süleyman bildirib ki, bu müqəddəs ayın altıncı günündə Misirin dəstəyi ilə təxminən 2000 nəfəri əhatə edən ən böyük kütləvi iftar tədbiri keçirilib.
"Bu tədbiri, müharibə və kədər içində yaşayan insanları bir az da olsa rahatlaşdırmaq və birlik mesajı vermək üçün təşkil edirik", - deyə Süleyman qeyd edib.
Qəzzada davam edən münaqişələrə baxmayaraq, Ramazan ayı birlik və ümid mesajları ilə qeyd edilir.
