BAKI,AzerVoice
Misir prezidenti Əbdülfəttah əs-Sisi bu gün (çərşənbə axşamı) Qəzza zolağında atəşkəs razılaşmasının bütün mərhələlərinin həyata keçirilməsinin vacibliyini vurğulayıb. O, əsir və saxlanılanların mübadiləsi ilə yanaşı, bölgəyə humanitar yardımın çatdırılmasının zəruriliyini qeyd edib.
AzerVoice xəbər verir ki, Sisi, İraqın “Milli Hikmət Cərəyanı” lideri Ammar əl-Hakimi ilə görüşü zamanı, Qəzzada fələstinlilərin köçürülməsinə qarşı olduğunu bildirib və əhalinin yerindən edilmədən bölgənin bərpasına və erkən reabilitasiya prosesinə başlanılmasının önəmini vurğulayıb. O, fələstinlilərin köçürülməsi təkliflərini rədd edərək, bunun Fələstin məsələsinin ləğvi ilə nəticələcəyini və region ölkələrinin milli təhlükəsizliyinə ciddi təhdid yaradacağını deyib.
Sisi, 1967-ci il 4 iyun sərhədləri daxilində, paytaxtı Şərqi Qüds olan müstəqil Fələstin dövlətinin yaradılmasının bölgədə davamlı sülhün yeganə təminatı olduğunu qeyd edib.
Sisi İraqın təhlükəsizliyi və sabitliyinin qorunmasının vacibliyini vurğulayıb və Misirin İraqda inkişaf səylərinə tam dəstək verməyə hazır olduğunu bəyan edib.
Görüş zamanı Ammar əl-Hakim Misir-İraq münasibətlərinin tarixi dəyərlərini yüksək qiymətləndirib və Misirin regionun təhlükəsizliyi və sabitliyinin qorunmasında oynadığı liderlik rolunu vurğulayıb. O, həmçinin, Misirin İraqa göstərdiyi daimi dəstəyə görə minnətdarlığını bildirib.
Görüşdə digər müzakirə mövzuları:
Suriyadakı vəziyyət: Ölkənin ərazi bütövlüyü, ərazi
bütövlüyü və suverenliyinin qorunmasının vacibliyi vurğulanıb.
Siyasi prosesin başlatılması: Bütün suriyalı qrupların iştirak
edəcəyi bir konstitusiya prosesi və seçkilərin keçirilməsi
zəruriliyi qeyd edilib.
Suriyada işğalın sona çatdırılması məsələsinə diqqət yetirilib.
Regiondakı gərginlik: Görüşdə regional münaqişələrin artmasının
bütün bölgə xalqlarına mənfi təsir göstərəcəyi və regional
müharibənin qarşısının alınmasının vacibliyi
vurğulanıb.
