Bakı, AzerVoice
2024-cü ilin yanvar-noyabr ayında Türkiyədə İraq kapitalı ilə 93 şirkət qeydiyyata alınıb ki, bu da 2023-cü ilin eyni dövrü ilə müqayisədə 68 şirkət azdır.
Bu barədə AzerVoice -ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan İraq şirkətlərinin məcmu kapitalı 178 milyon 260 min 50 türk lirəsi olduğu halda, 2023-cü ilin eyni dövründə bu rəqəm 223 milyon 355 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2024-cü ilin yanvar-noyabr ayında İraq şirkətlərinin əksəriyyəti İstanbulda (74) qeydiyyata alınıb.
“İstanbulda qeydiyyatdan keçən İraq şirkətlərinin ümumi kapitalı 139 milyon 10 min 50 türk lirəsi təşkil edib”, – deyə TOBB-dan qeyd edilib.
Məlumata əsasən, 2024-cü ilin yanvar-noyabr ayında Türkiyədə İraq kapitalı ilə 41 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.
