Bakı,AzerVoice
Ecazi Quran, Qurani-Kərimin misilsiz üstünlüyünü ifadə edən
termindir. Bu sahədə yazılmış əsərlərin ortaq adıdır eyni zamanda.
Oxşarını gətirə bilməmək barəsində Quranın insanları aciz qoyması,
möcüzə olması.
Lüğəvi mənası “gücü çatmamaq” olan “əcz” kökündən törəmiş “ecaz”
sözü “aciz qoymaq” deməkdir.
Quranın sahib olduğu ədəbi üstünlük və məna zənginliyi baxımından
bənzərinin meydana gətirilə bilməməsini ifadə edir. Quranın bu
xüsusiyyəti, eyni zamanda, Həzrət Məhəmmədin həqiqi peyğəmbər
olduğunu sübut edir.
Həzrət Peyğəmbərin peyğəmbərliyini inkar edənlər istədikləri
təqdirdə, Qurana bənzər sözlər söyləyə biləcəklərini iddia etmiş
(“Ənfal” 8/31) və Peyğəmbərdən öz doğruluğunu isbat edəcək möcüzə
istəmişlər. Onlara Quranın yetərli bir möcüzə olduğu bildirilmiş
(“Ənkəbut” 29/50-51) və əgər gücləri çatırsa, Quran kimi bir əsər
meydana gətirmələri istənilərək onlara meydan oxunmuşdur (“Bəqərə”
2/23-24; “Yunus” 10/37-39; “Hud”11/13; “İsra” 17/86-88).
