Bakı. AzerPress:
Türkiyə Cümhuriyyətinin 100 illiyi üçün çap edilərək dövriyyəyə buraxılan 5 lirə dəyərində xatirə sikkələri ilə bağlı bildiriş Rəsmi Qəzetdə dərc olunub.
AzerPress-in məlumatına görə, sikkələrin diametri 28,15 millimetr, qalınlığı 1,70 millimetr, çəkisi isə 8,25 qram olub. Xarici halqada səkkizguşəli Səlcuqlu ulduz motivindən istifadə edilməklə və bu motivin xarici konturunun təkrarlanması ilə sikkələrin üz naxışlarına dərinlik verilib.
Bundan əlavə, ön üzdə üzük və qovşağın birləşdiyi yerdə ay-ulduz var və ortada “Türkiyə Yüzyılı” loqosu yerləşdirilib. Loqonun solunda 5 rəqəmi, aşağıda “Türk lirəsi” yazısı, mətnin altında isə “2023” ifadəsi var.
Arxa üz naxışında Cümhuriyyətin qurucusu Ulu Öndər Mustafa Kamal Atatürkün relyefi, aşağıda Cümhuriyyətin 100-cü ildönümü loqosu və ətrafında “Türkiyə Cümhuriyyəti” mətni yer alır.
Kommunike 29 oktyabr 2023-cü il tarixindən qüvvəyə minib.
Aytac Süleymanova
