Şuşa Azərbaycanın tez-tez səfər edilən məkanlarından birinə çevriləcək – ECO baş katibi

Bakı. AzerPress:

İnanırıq ki, yaxın gələcəkdə Şuşa Azərbaycanın çox tanınmış və tez-tez səfər edilən məkanlarından birinə çevriləcək.

AzerPress xəbər verir ki, bunu İqtisadi Əməkdaşlıq Təşkilatının Baş katibi Xusrov Noziri ECO-ya üzv dövlətlərin turizm üzrə ixtisaslaşmış təhsil müəssisələrinin birinci görüşündə çıxışı zamanı deyib.

O bildirib ki, Şuşa şəhəri 2026-cı il üzrə turizm paytaxtı elan edilib.

“Bu vaxta qədər təşkilat regionda cəmi 6 şəhəri turizm paytaxtı seçib. Bunlar Tacikistanın Düşənbə, İranın Sari və Ərdəbil, Özbəkistanın Şəhrisəbz, Türkiyənin Ərzurum və Azərbaycanın Şuşa şəhərləridir”, – deyə o qeyd edib.