Bakı, AzerPress:
Osmanlı tarixi mənbələrində Hacı İlbəyin 1364-cü ildə Macarıstan kralının tabeliyində olan Macar, Serb və digər Balkan dövlətlərinin qüvvələrindən ibarət olan Səlib ordusunu gecə hücumla məğlub etdiyi və bu döyüşə Sırpsındığı (serblərin məğlub olduğu yer) adının verildiyi bildirilir. Lakin Balkan xalqlarının həmin illərə aid əsərlərində və Bizans tarixi mənbələrində bu müharibədən bəhs edilmir. Bu döyüş haqqında məlumat verən Osmanlı tarixi əsərləri də həmin müharibədən uzun illər sonra yazılıb. Bundan əlavə, 1371-ci ildə baş verən və müttəfiqləri ilə birlikdə serblərin məğlub olduğu Çirmən müharibəsi isə Osmanlı tarixi mənbələrində göstərilmir.
Tarixçi Halil İnalcık 1352-ci ildə Rumeliyə gedən Süleyman Paşanın serblərlə döyüşləri, Ədirnənin fəthi və Çirmən döyüşünün (1371) qarışdırıldığını bildirir. O qeyd edir ki, 1352-ci ildə serblərlə müharibələr zamanı, ehtimal ki, Süleyman Paşa dövründə baş verən hücumlar 1371-ci ildə Çirmən döyüşü ilə birləşdirilib və 1364-cü ildə yeni bir müharibə baş verib.
Ləman Əsədli
Twitter: lamanasadli01
