58
Bakı, AzerPress:
2025-ci ildə Səmərqənddə YUNESKO Baş Konfransının 43-cü sessiyası keçiriləcək.
AzerPress xəbər verir ki, bu barədə Özbəkistan prezidentinin mətbuat xidmətindən bildirilib.
Məlumata əsasən, YUNESKO Baş Konfransı 43-cü sessiyasının 2025-ci ildə Səmərqənddə keçirilməsi təklifini dəstəkləyib və müvafiq qətnamə qəbul edib.
Qeyd edək ki, Parisdən kənarda keçirilən sonuncu sessiya 1985-ci ildə Bolqarıstanın paytaxtı Sofiyada baş tutub.
BMT-nin ixtisaslaşmış təşkilatı olan YUNESKO dünyanın təhsil, elm və mədəniyyət məsələləri sahəsindəki əməkdaşlığın ən böyük hökumətlərarası forumudur. 1945-ci ildə yaradılan YUNESKO-nun baş ofisi Parisdə yerləşir. Təşkilatın 193 üzvü var.
