63
- Bakı, AzerPress:
- OSMANLI DÖVLƏTİ TARİXİ
- Orxan Qazi dövründə Osmanlı Bəyliyini digər Anadolu bəyliklərindən fərqləndirən fəaliyyətlərdən biri də hərbi təşkilatın qurulmasıdır. Osmanlı Bəyliyinin hərbi qüdrəti ilkin olaraq digər Anadolu bəylikləri kimi qəbilə qüvvələrindən ibarət idi. Orxan Qazinin dövründə vəzir Əlaəddin Paşa və Çandarlı Qara Xəlil tərəfindən türk kəndlilərinin vergidən azad edilməsi və səfər zamanı gündə iki akçe ödənilməsi qarşılığında piyada və müsellem (süvari) adı altında hərbi təşkilat yaradılmışdır. Bu, bəylikdən dövlətə keçiddə mühüm addım idi.
- Osmanlıların Anadolu bəyliklərindən fərqlənməsi bu cür dövlət təşkilatları və tayfa quruluşundan qurtulmaları sayəsində oldu. Əslində 1330-cu illərin əvvəllərində Anadoluya səfər edən məşhur ərəb səyyahı İbn Battuta Orxan Qazinin qabaqcıl türkmən bəylərindən biri olduğunu və onun daim fəaliyyətdə olan böyük bir hərbi gücə malik olduğunu söyləyir.
- Piyada və müsəlləm təşkilatı bir müddət sonra böyüyən dövlətin hərbi ehtiyaclarını ödəyə bilməyəndə I Murad dövründə Kapıkulu sistemi quruldu. Kapıkulu sisteminin böyüməsi ilə piyada və müsəlləmə ehtiyacı azaldı və bu hərbi təşkilat Osmanlı ordusunun arxa xidmət birliklərindən birinə çevrildi.
- Onlar səfərə çıxarkən yolların, körpülərin təmiri və ordunun müxtəlif ehtiyaclarını təmin etmək kimi vəzifələri yerinə yetirmək üçün məsul bölmələrə çevrildilər.
