Bakı. AzerPress:
Səsvermənin yeri və vaxtı barədə seçicilər məlumatlandırılacaq. Bununla bağlı səsvermənin yeri və vaxtı barədə seçicilərin məlumatlandırılmasına dair bildirişlərin mətni, forması, sayı və hazırlanması qaydası təsdiq edilib.
AzerPress-in məlumatına görə, bunu Mərkəzi Seçki Komissiyasının bu gün keçirilən iclasında MSK sədrinin müavini Rövzət Qasımov məlumat verib.
O bildirib ki, sayı 6 milyon 524 min 203 bildiriş çap olunacaq. “İşğaldan azad edilmiş ərazilərdə bildirşlərə bir hissə əlavə etməliyik. Təbriklə bağlı bir bənd əlavə edə bilərik”, – deyə o, qeyd edib.
Müzakirələrdən sonra sənəd səsverməyə qoyularaq təsdiq edilib.
Qeyd edək ki, dekabrın 7-də Prezident İlham Əliyev Azərbaycanda növbədənkənar Prezident seçkilərinin elan edilməsi barədə Sərəncam imzalayıb. Sərəncama əsasən, fevralın 7-də növbədənkənar prezident seçkiləri keçiriləcək.
