Bakı, AzerVoice
Misirli vaizlərin ev heyvanlarının, o cümlədən pişiklərin saxlanması və qadınların işləməsi ilə bağlı verdiyi fətvalar Misirdə ölkənin media istifadəçiləri arasında geniş tənqid və müzakirələrə səbəb olub.
AzerVoice ArabAZ -a istinadən xəbər verir ki, məsələ ilə bağlı Misirin fətva qurumu Darul İftadan da cavab gəlib.
Əl-Əzhərdə dinlər və məzhəblər üzrə araşdırma aparan misirli vaiz Abdullah Rüşdnin adı sosial media hesablarında işləyən qadınlarla bağlı ardıcıl paylaşımlarından sonra trendə çevrilib.
Rüşdi paylaşımlarının birində “işini və müdirinə itaət etməyi ərinə itaət etməkdən daha vacib hesab edən qadını” tənqid edib və “ərin işdən daha önəmli” olduğunu vurğulayıb.
O, başqa bir paylaşımda arvadının rəğbətini görən ərinə “arvadını həyatından çıxarmağı” tövsiyə edib. Bu yazılar sosial mediada sürətlə yayılaraq, çoxlu qarşılıqlı təsir bağışlayır.
Bəzi din xadimləri onun dediklərini pisləyib və söylədiklərinin doğru olmadığını bildirməyə çağırıblar. Bəziləri sözügedən yazının müəllifinin qalmaqallı açıqlamaları, baxışları və fətvaları ilə bir çox böhranlara səbəb olduğuna, qadınları təhqir etdiyi, məzhəb qarşıdurmasını qızışdırdığı əsaslarla ona qarşı bir sıra şikayətlər ediblər.
Misirin fətva qurumu olan Darul İftanın rəsmi səhifələrində dərc olunan məqalədə ailələrini dolandırmaq üçün çalışan qadınların hökmünü izah edən bir məqalə paylaşan bəzi şəxslər, ‘özünü və ya ailəsini dolandırmaq üçün işə gedən qadının Allah qarçısında böyük savab qazandığını iddia ediblər.
Digər tərəfdən, Misir Vəqflər Nazirliyinin şeyxlərindən olan vaiz Muhəmməd Əbu Bəkr mübahisəli fətva verərək, pişiklərin qidalanmasının hökmünü açıqlayıb və pişiklərin yeməyinə pul xərcləməyin caiz olmadığını bildirib.
Televiziya proqramında pişiklərin evdə deyil, küçələrdə olması ilə bağlı mübahisə edən şeyx, pişik yeminə xərclənən pulun ehtiyacı olan insanlara verilməsinə diqqət çəkib.
Sosial medianın bir çox nüfuzlu şəxsləri fətva sahibini tənqid edib reaksiya versə də, bəziləri də fətva verənlərin məsuliyyətə cəlb olunmasını tələb ediblər.
Şərhlərin əksəriyyətində heyvanlara mərhəmət və şəfqət göstərməyin vacibliyi vurğulanaraq, itə su verdiyi üçün cənnətə gedən kişinin və pişiyə işgəncə verdiyi üçün cəhənnəmə gedən qadının hekayəsi xatırladılıb.
Bəzi sosial media təsirçiləri Darul İftanın dərc etdiyi, pişiklərin qidalanması və onlara qulluq edilməsini icazəli hesab edən fətvanı paylaşıblar.
Ötən həftə Misirin Baş Müftisi Nəzir Əyyad vurğulayıb ki, “Daru’l Ifta vətəndaşların ehtiyaclarını ödəmək və orijinallıq və müasirlik arasında tarazlığı təmin etmək üçün dəqiq şəriət elminə əsaslanan və müasir inkişafları nəzərə alaraq fətvalar verməyə sadiqdir”.
Əyyad, Misir Nümayəndələr Palatasının Dini İşlər Komitəsinin sədr müavini və Əl-Əzhər Universitetinin keçmiş rektoru Usamə əl-Abd ilə görüşündə deyib ki, : “Biz həmişə fətva mexanizmlərini təkmilləşdirməyə və onları müasir reallığımıza uyğunlaşdırmağa çalışırıq.
