Bakı. AzerPress:
İsrail-Fələstin münaqişəsinin həlli istiqamətində addımlar atılır.AzerPress-in məlumatına görə, bu barədə Türkiyə milli müdafiə naziri Yaşar Güler deyib.
Gülər Fələstində davam edən qırğınlar, həyata keçirilən humanitar yardım və həll diplomatiyası, terrorla mübarizədə aparılan qətiyyətli işlərlə bağlı açıqlamalar verib.
O qeyd edib ki, minlərlə günahsız vətəndaşın qətli qəbuledilməzdir.“Biz Qəzza ilə bağlı əvvəldən nümayiş etdirdiyimiz humanist, vicdanlı və ədalətli münasibətimizi və yanaşmamızı bu gün də davam etdiririk. Fələstində beynəlxalq hüququn pozulması, xəstəxanaların, məktəblərin, ibadət yerlərinin və qaçqın düşərgələrinin ayrı-seçkilik olmadan hədəfə alınması və daha da pisi, əksəriyyəti körpə, uşaq və qadın olan minlərlə günahsız mülki şəxsin qətlə yetirilməsi qəbuledilməzdir.” – deyə nazir bildirib.
Güler qeyd edib ki, bu vəziyyət vəhşilik həddinə çatmış hərbi cinayətdir.İsrail hücumlarını davam etdirdikcə, regional sülhə təhdidlər artır. Gözləntimiz budur ki, sülh üçün bütün səylər davam etdirilərək dərhal daimi atəşkəs elan edilsin.” – deyə nazir bildirib.
Hafiz Rufizoğlu
Xəbərlərimizi “WhatsApp” kanalımızdan oxuyun
