Bakı. AzerPress:
İslam Əməkdaşlıq Təşkilatı (İƏT) noyabrın 12-də İsrailin blokadada olan Qəzza zolağına hücumlarını müzakirə etmək üçün fövqəladə iclas keçirəcək.
AzerPress-in məlumatına görə, İsrailin Qəzzaya hücumlarını davam etdirməsi və fələstinli dinc sakinləri qətlə yetirməsinin ardından İslam Əməkdaşlıq Təşkilatı fövqəladə toplantı keçirmək qərarına gəlib.
İƏT-dən verilən yazılı açıqlamada bildirilib ki, İsrailin Fələstin xalqına qarşı hücumlarını müzakirə etmək üçün İslam ölkələrinin zirvə toplantısı keçiriləcək.
“Fövqəladə sammit bazar günü, noyabrın 12-də Səudiyyə Ərəbistanının hazırkı prezidenti Salman bin Əbdüləziz əs-Səudun çağırışı ilə Ər-Riyadda keçiriləcək”,- deyə açıqlamada qeyd olunub.
Qeyd edək ki, İsrailin Qəzzanın hər bölgəsini hədəf alan hücumları 27 oktyabrda bölgənin şimalında intensivləşib.
Qəzzada İsrailin hücumları nəticəsində həyatını itirənlərin sayı 9 min 488-ə çatıb, 32 min nəfər yaralanıb.
Aytac Süleymanova
Xəbərlərimizi “WhatsApp” kanalımızdan oxuyun
