Ceyhun Bayramov Berlində Ukraynanın Bərpa Konfransında iştirak edəcək

Bakı. AzerVoice :

Azərbaycan Respublikasının xarici işlər naziri Ceyhun Bayramov Almaniya Federativ Respublikasına işgüzar səfərə yola düşüb.

Bu barədə AzerVoice-ə Xarici İşlər Nazirliyindən xəbər verilib.

Səfər çərçivəsində nazirin 11-12 iyun tarixlərində Berlin şəhərində keçiriləcək Ukraynanın Bərpa Konfransında iştirak və çıxışı, habelə tədbir çərçivəsində ikitərəfli görüşlərinin keçirilməsi nəzərdə tutulub.