Cənubi Qafqazda sülhün bərqərar olması tarixi imkanlar açacaq – Ceyms O’Brayen

Bakı. AzerPress:

ABŞ-Azərbaycan münasibətlərinin gələcəyini müzakirə etmək üçün Prezident İlham Əliyevlə ilk konstruktiv söhbət apardıq.

AzerPress xəbər verir ki, bu barədə ABŞ Dövlət katibinin Avropa və Avrasiya məsələləri üzrə köməkçisi Ceyms O’Brayen “X” sosial media hesabında qeyd edib.

“Regionda davamlı, ləyaqətli sülhün bərqərar olması tarixi imkanlar açacaq”,- deyə o, paylaşımında bildirib.

Qeyd edək ki, Azərbaycan Respublikasının Prezidenti İlham Əliyev dekabrın 6-da ABŞ Dövlət katibinin Avropa və Avrasiya məsələləri üzrə köməkçisi Ceyms O’Brayeni qəbul edib.