Almaniya 30-a yaxın Əfqanıstan vətəndaşını deportasiya edib

Bakı,AzerVoice

Almaniya Taliban hakimiyyəti ələ keçirdikdən sonra ilk dəfə 28 Əfqanıstan vətəndaşını deportasiya edib.

AzerVoice xəbərr verir ki, Almaniyanın daxili işlər naziri Nancy Faeser bu vəziyyəti Almaniya üçün təhlükəsizlik problemi kimi qiymətləndirib.

Deportasiyalar ötən həftə Solingendə küçə festivalında üç nəfərin ölümü ilə nəticələnən bıçaqlı hücumundan sonra baş verib.

Hücumun İŞİD üzvü olmaqda şübhəli bilinən suriyalı qaçqın tərəfindən həyata keçirildiyi, onun sığınacaq tələbi rədd edildikdən sonra keçən il deportasiya edilməli olduğu iddia edilir.