Əsas səhifə » Yaponiyada baş verən güclü zəlzələdən sonra nüvə stansiyasında təhlükəli vəziyyət yaranıb

Yaponiyada baş verən güclü zəlzələdən sonra nüvə stansiyasında təhlükəli vəziyyət yaranıb

Laman Asadli

Bakı. AzerPress:

Yaponiyanın qərbindəki İşikava prefekturasında baş verən güclü zəlzələdən sonra Hokuriku atom elektrik stansiyasında suyun səviyyəsi normadan yuxarı qalxıb.

AzerPress xarici KİV-ə istinadən xəbər verir ki, stansiyanı xarici enerji ilə təmin edən transformatorun borularının zədələnməsi səbəbindən neft sızması qeydə alınıb.

Zərərlərin aradan qaldırılması istiqamətində işlər davam edir.

banner

Qeyd edək ki, yanvarın 1-də Yaponiyanın qərbində bir neçə güclü zəlzələ baş verib.

Ümumilikdə, iki saat ərzində İşikava və Niiqata prefekturalarında 30-a yaxın yeraltı təkan qeydə alınıb, ən güclü yeraltı təkanların maqnitudası 7,6 olub.

Son məlumatlara görə, zəlzələ nəticəsində 82 nəfər ölüb, 339 nəfər xəsarət alıb. 80 nəfərin dağıntılar altında qaldığı ehtimal edilir.

Digər Kateqoriyalar

2023 © AzerVoice