Əsas səhifə » Xarici ölkələrdə olan vətəndaşların səsverməsi üçün 49 seçki məntəqəsi yaradılıb

Xarici ölkələrdə olan vətəndaşların səsverməsi üçün 49 seçki məntəqəsi yaradılıb

Laman Asadli

Bakı. AzerPress:

Səsvermə günü xarici dövlətlərdə olan və konsul qeydiyyatına durmuş seçicilərin səs verməsi üçün yaradılan seçki məntəqələrinin sayı açıqlanıb.

AzerPress-in məlumatına görə, Mərkəzi Seçki Komissiyasının sədri Məzahir Pənahov MSK-nın bu gün keçirilən iclasında deyib ki, xarici ölkələrdə olan vətəndaşların səsverməsi üçün 37 ölkədə 49 seçki məntəqəsi yaradılıb.

Səsvermə günü xarici dövlətlərdə olan və konsul qeydiyyatına durmuş seçicilərin səs verməsi üçün seçki məntəqələrinin yaradılması müddəti sabah başa çatır.

banner

Məntəqələr seçicilərin olduqları ərazilərdə Azərbaycan Respublikasının diplomatik nümayəndəliklərinin və ya konsul idarələrinin rəhbərləri tərəfindən Səsvermə gününə azı 30 gün qalanadək 2024-cü il yanvarın 8-dək yaradılmalıdır.

Qeyd edək ki, 2024-cü il fevralın 7-də Azərbaycanda növbədənkənar Prezident seçkiləri keçiriləcək.

Digər Kateqoriyalar

2023 © AzerVoice