Teymur Rəcəbov 14-cü pillədəki mövqeyini qoruyub

Beynəlxalq Şahmat Federasiyası (FİDE) şahmatçıların reytinq cədvəlini açıqlayıb.

İdman.biz xəbər verir ki, təmsilçilərimizdən ən yaxşı göstəriciyə Teymur Rəcəbov məxsusdur.

Beynəlxalq qrossmeyster 2745 xalla 14-cü pillədəki yerini qoruyub. Şəhriyar Məmmədyarov (2734) bir pillə irəliləyərək, 16-cı mövqeyə yüksəlib. Nicat Abbasov (2679) 53-cü, Rauf Məmmədov (2644) isə 99-cu yerdə qərarlaşıb.

Reytinq cədvəlinə Maqnus Karlsen (2829) başçılıq edir. Onu Fabiano Karuana (2795) və Dinq Liren (2780) izləyir.

Qadın şahmatçılardan ən yaxşı göstəriciyə Günay Məmmədzadə malikdir. O, 29-cu pillədə yer alıb. Ülviyyə Fətəliyeva 57-ci, Gövhar Abdullayeva 68-ci, Gülnar Məmmədova isə 94-cü pillədə qərarlaşıblar.

Zəki Feyzullayev

İdman.biz